აკადემიკოს რისმაგ გორდეზიანის „ბერძნული ცივილიზაციის“ მეორე, შესწორებული და გავრცობილი გამოცემა კრეტა-მიკენის გეომეტრიული, არქაული და კლასიკური ეპოქის ბერძნული კულტურის ყველა უმთავრეს სფეროს წარმოგვიდგენს: ისტორიას, ლიტერატურას, ხელოვნებას, მჭევრმეტყველებას, ისტორიოგრაფიას, ფილოსოფიას და ა.შ. წიგნში წარმოდგენილია ბერძნული კულტურის უმნიშვნელოვანესი ძეგლების 200-ზე მეტი ილუსტრაცია. „ბერძნული ცივილიზაცია“ განკუთვნილია ზოგადსაგანმანათლებლო სკოლების მოსწავლეთათვის, სტუდენტებისა და ძველი სამყაროს კულტურებით დაინტერესებული მკითხველისთვის.
წარმოიდგინეთ ლიტერატურული ჯოჯოხეთი...
...ადგილი, სადაც მწერლები ისევე იტანჯებიან, როგორც მათი წიგნები ტანჯავდნენ მკითხველებს; სადაც დიდი ძმის ტელევიზიას („BBC – Big Brother’s Channel“) ორუელი განაგებს და შექსპირის სასტუმროს („ჰოტელო“) – იორიკის თავის ქალა; სადაც ეგზიუპერი ანონიმ თვითმკვლელთა კლუბის გამორჩეული წევრია; სადაც მთელი გარემო ლიტერატურული ატმოსფეროთია გაჟღენთილი და სადაც...
...თუმცა, ყველაფერს ანოტაციაში ვერ მოყვები. სხვა დანარჩენისათვის არსებობს „ბესტსელერი“ – სატირულ-პაროდიულ-დეტექტიურთავსატეხ-ფენტეზ-ფანტაზ-დაკიდევრაცგამოგვრჩა ჟანრის რომანი ლიტერატურაზე, ლიტერატურულ კლიშეებზე, ცნობილ მწერლებზე, არანაკლებ ცნობილ პერსონაჟებზე, და ყველაფერ იმაზე, რაც წიგნებში სასიამოვნო ემოციებს გიშლით, ან უბრალოდ – ნერვებს. სხვა სიტყვებით, ეს არის წიგნი ადგილზე, რომელიც მწერლებისათვის ჯოჯოხეთია, მაგრამ მკითხველებისათვის ნამდვილი სამოთხე უნდა აღმოჩნდეს. და კიდევ უფრო სხვა სიტყვებით, ეს არის წიგნი, რომელიც თავს თუ არა, დროს ნამდვილად არ დაგაკარგვინებთ.
მთარგმნელი: ნიკა სამუშია
ასაკი: 3+
აქტივობები :
ამ წიგნში თავმოყრილი ლექსებითა და ფერადი ილუსტრაციებით ყველაზე ცნობილი ბიბლიური ამბებია გადმოცემული. მათი საშუალებით ბავშვი გაიცნობს ნოეს, მოსეს, კეთილ სამარიტელს, დავითსა და გოლიათს; და გაიგებს ქრისტეს შობისა და აღდგომის შესახებ.
ელექტრონული ვერსიის სანახავად დააჭირე აქ
მთარგმნელი:ნატო კვარაცხელია
თვალტანადი, გამჭრიახი, შესაშური ზომა-წონის დარბაისელი მამაკაცი – ეს კარლსონია, დაბალ-დაბალი, ჩასუქებული, გამოუსწორებლად ონავარი და ბაქია კაცუნა, რომელიც ზურგზე მიმაგრებული პროპელერით დაფრინავს და სახურავზე შემოსკუპებულ პატარა, მწვანედარაბებიან სახლში ცხოვრობს. გაგიკვირდა, რაც ახლა წაიკითხე? არადა, შენი მოტყუება არავის უფიქრია. სტოკჰოლმის ერთ ჩვეულებრივ ქუჩაზე ჩვეულებრივი სახლის სახურავზე ცხოვრობს არაჩვეულებრივი კაცუნა – კარლსონი, რომელიც ერთ მშვენიერ დღეს სრულიად ჩვეულებრივ სტოკჰოლმელ ბიჭუნას, სვანტე სვანტესონს ესტუმრება. სწორედ იმ დღეს დაიწყება ამ ორის უჩვეულო მეგობრობა. მალე კარლსონი ყველას დაარწმუნებს, რომ ის არც მოჩვენებაა და არც ბიჭუნას ფანტაზიის ნაყოფი. ის ნამდვილი, მსოფლიოში უბადლო მამაკაცია, რომელთან მეგობრობაზე, გართობასა და თავგადასავლებზე ალბათ არც შენ იტყოდი უარს.
მთარგმნელი: ალექსი სიუკაევი
თანამედროვე ამერიკელ მწერალს, ბლეიკ კრაუჩს სხვადასხვა ჟანრის არაერთი ბესტსელერი აქვს დაწერილი. მისი ნაწარმოებების მიხედვით რამდენიმე კინოფილმი და ტელესერიალია გადაღებული. „ბნელი მატერია“ ადამიანის მიერ სამყაროს აღქმისა და გააზრების მარადიულ პრობლემას ეძღვნება. „მიყვარს ხუთშაბათი საღამოები“, – თავიდანვე უცხადებს მკითხველს ჯეისონ დესენი – ჩიკაგოს ერთი ჩვეულებრივი კოლეჯის ჩვეულებრივი პროფესორი, რომელიც სტუდენტებს კვანტურ მექანიკას ასწავლის – „მეტწილად შესავალ ნაწილს. განსაკუთრებულად მიმზიდველს არაფერს“. რატომ უყვარს მას ხუთშაბათი საღამოები? მართლა უყვარს? რამდენად მნიშვნელოვანია „ხუთშაბათი საღამოების სიყვარული“ მისთვის? სხვებისთვის? და, საერთოდ, რას ნიშნავს „ხუთშაბათი საღამოების სიყვარული“? ეს წიგნი აღწერს იმას, თუ როგორ გვცვლის ჩვენი თითოეული ნაბიჯი თუ გადაწყვეტილება, თითოეული არჩევანი... და სადამდე შეიძლება მიგვიყვანოს „ხუთშაბათი საღამოების სიყვარულმა“
თბილისის ერთ-ერთი პრესტიჟული სკოლის დამამთავრებელი კლასის მოსწავლეს, ნინჩოს, ოცდაერთი წლის კრიმინალი ნადრიკუჩა უყვარს. ამავე დროს ნინჩოს მოხიბვლას მისი კლასელი დემურიც ცდილობს.
რით ერთობიან თბილისელი თინეიჯერები, რატომ უნდა სკოლის აფეთქება ნუციკოს, ვის შეუყვარდება დემური და რით დასრულდება ეს ყველაფერი, შეიტყობთ ლაშა ბუღაძის რომანიდან ბოლო ზარი.
მთარგმნელი: დოდო ყვავილაშვილი
რა მოხდა კანუდუსში? რა მოვლენები დატრიალდა მრავალთათვის ლამის მიწიერ სამოთხედ, სიცოცხლის, კარნავალებისა და ხალისის სიმბოლოდ ქცეული ბრაზილიის ერთ მივარდნილ კუთხეში მე-19 საუკუნის მიწურულს? ვინ იყო ის იისფერსამოსიანი კაცი, ვინც შეძლო, ერთ მუშტად გაეერთიანებინა სოფლის მახინჯები, პირსისხლიანი ავაზაკები, ყველა ჯურის მარგინალები, ცოდვილნი, ყოფილი მონები, ვაჭრები თუ უბრალო გლეხები, ერთ თანასწორუფლებიან კომუნად ჩამოეყალიბებინა, ეგოიზმსა და უკეთურებაზე უარი ეთქმევინებინა, ახლად შექმნილი რესპუბლიკისთვის დაეპირისპირებინა და თავისი ქვეყნის ისტორიის ერთ-ერთი ყველაზე უმძიმესი ბრძოლების მონაწილენი გაეხადა: ღვთით მოვლენილი წინასწარმეტყველი, საკუთარ ინტერესებს აყოლილი ავანტიურისტი, თავისუფლებისთვის მებრძოლი უტოპისტი თუ შეშლილი ფანატიკოსი? როგორ მოხდა, რომ ათასობით ადამიანი მას მესიად აღიარებდა? ვინ იყვნენ გურამ დოჩანაშვილის ნაწარმოებებიდან ჩვენთვის ესოდენ ცნობილი ჟოაო აბადო, ანტონიუ კონსეილეირუ, ბეტანკური და სხვები სინამდვილეში და რა როლი შეასრულეს მათ ბრაზილიის ცხოვრებაში? ნობელის პრემიის ლაურეატის, ცნობილი პერუელი მწერლის, მარიო ვარგას ლიოსას რომანი აღწერს სწორედ ამ ტრაგიკულ და მრავალმხრივ საინტერესო ისტორიულ მოვლენას, რომელსაც დღემდე იდუმალების საბურველი მოსავს და ლეგენდების წყაროდ არის ქცეული. ოსტატის ხელით შექმნილ ამ ნაწარმოებში მკითხველს ბოლომდე არ ასვენებს კითხვა - მაინც ვინ იყო ის იისფერსამოსიანი წვეროსანი...
„ბოლოკა და ყვანჩალა“ ერთ-ერთი პირველი ქართული კომიქსია, რომელიც 1980-იანი წლების მიწურულს ქართველმა მხატვარმა, გია ლაფაურმა შექმნა. ჭკუისკოლოფა ბიჭუნა-ბოლოკასა და მისი მეგობრის, ონავარი ყვანჩალას მხიარული თავგადასავალი საბავშვო ჟურნალში ნაწილ-ნაწილ იბეჭდებოდა და ყველა ბავშვი მოუთმენლად ელოდა ჟურნალის ახალი ნომრის გამოსვლას. თითქმის 25 წლის შემდეგ ბოლოკასა და ყვანჩალას ამბები ისევ დაბრუნდა. გაიხსენეთ საყვარელი პერსონაჟები, გააცანით შვილებსაც და შეაყვარეთ ქართული საბავშვო კომიქსი.
2113 წელი. ახალგაზრდა დემნა ციციშვილი სიკვდილის წინ კოსმოსში გადასახლებულ მამას ეცნობა და მთელ თავის განვლილ ცხოვრებას უყვება, რათა მისი ისტორია ახალი სამყაროს ახალი ადამიანებისთვის დავიწყებას არ მიეცეს. მამა-შვილის პირველ და უკანასკნელ დიალოგში იშლება თბილისის პრეაპოკალიპტური ისტორია, სადაც ყველაფერი მეცნიერულ ბაზისზე დაფუძნებული რელიგიით იმართება.
ჯაბა ზარქუა მკითველს პირველად 2011 წელს გაეცნო სადებიუტო კრებულით ვარმშტადული პარადოქსი, 2012 წელს კი მისი პირველი რომანი მკითხველი უნდა მოკვდეს გამოიცა, რომელსაც ილიას სახელმწიფო უნივერსიტეტის ლიტერატურული კონკურსის მთავარი პრიზი გადაეცა წლის საუკეთესო ქართული რომანისთვის. ხუთწლიანი პაუზის შემდეგ ავტორი მკითხველს დაუბრუნდა ახალი რომანით, რომელიც ერთ უწყვეტ, გაბმულ დიალოგს წარმოადგენს.
„ბოცო და გვანცა“ ერთ-ერთი პირველი ქართული კომიქსია, რომელიც 1980-იანი წლების მიწურულს ქართველმა მხატვარმა, გია ლაფაურმა შექმნა. კომიქსის მთავარი პერსონაჟები, მეგობრები, ბოცო და გვანცა დროის მანქანით საქართველოს წარსულში მოგზაურობენ, პირადად ხვდებიან ფარნავაზს, ფარსმან ქველსა თუ დავით აღმაშენებელს; წმინდა ნინოსთან ერთად შემოივლიან მცხეთას, ვახტანგ გორგასალთან ერთად აღმოაჩენენ საოცარ ადგილს ახალი ქალაქის დასაარსებლად; ნახავენ საქართველოს დიდების ხანას, თურქ-სელჩუკთა თუ არაბთა შემოსევას და თავად გახდებიან საქართველოს დიდებული ისტორიის მონაწილეები. თითქმის 25 წლის შემდეგ ბოცოსა და გვანცას ამბები ისევ დაბრუნდა. გაიხსენეთ საყვარელი პერსონაჟები, გააცანით შვილებსაც და შეაყვარეთ ქართული საბავშვო კომიქსი.
ბრაზიანი ჩიტების სამყაროში დიდი ორომტრიალია - გოჭების მეფე ფუნთუშლოყას ქვეშევრდომები გამუდმებით ცდილობენ კვერცხები მოიპარონ, ჩიტები კი მათ ვერაგულ შემოტევებს ერთობლივი ძალით იგერიებენ.
თვალი ადევნე გოჭებისა და ჩიტების სახალისო თავგადასავლებს და აირჩიე, შენ ვის მხარეს ხარ.
მთარგმნელი: ნინო ქაჯაია
1980 წლის ბუკერისა და 1983 წლის ნობელის პრემიების ლაურეატი, ბრიტანელი მწერალი, უილიამ გოლდინგი (1911-1993) მე-20 საუკუნის ერთ-ერთი ცნობილი ლიტერატორია. მან უკვე 40 წელს გადაცილებულმა დაწერა რომანი „ბუზთა ბატონი (1954) – უამრავი სიმბოლიკით დატვირთული ერთგვარი ლიტერატურული პაროდია, „რობინზონიადას ერთ-ერთი ვარიანტი, რომელშიც ველური კუნძულის ერთადერთი ცივილიზებული წარმომადგენლები ბავშვები არიან. ამ რომანით მწერალმა არაერთი სტერეოტიპი დაანგრია და უკაცრიელ კუნძულზე მოხვედრილი სკოლის მოსწავლეების მაგალითზე შეულამაზებლად ასახა ადამიანის ქვეცნობიერში ცივილიზებულობის მიღმა მიმალული ურჩხული. „ბუზთა ბატონი გოლდინგის პირველი და ყველაზე ცნობილი რომანია. მის გამოქვეყნებას თავიდან დიდი წარმატება არ მოჰყოლია, მაგრამ 60-იანი წლების დასაწყისში ბესტსელერად იქცა და კრიტიკოსებიც დაინტერესდნენ. 1963 წელს პიტერ ბრუკმა, ხოლო 1990 წელს ჰარიჰუკმა რომანის მიხედვით ფილმები გადაიღეს.
