როდის არის ადამიანი ნამდვილი? მარტო, გარეშე თვალის დაკვირვებისგან თავისუფალი თუ მისკენ მიპყრობილი ყურადღების ცენტრში? რატომ სურს მას, ჰყავდეს მუდმივი აუდიტორია, რომლის წინაშეც საკუთარი ცხოვრების ცენზურაგავლილ ვერსიას წარადგენს და შესაბამის ავანსსაც მიიღებს „გულებისა“ და „მოწონებების“ სახით? სწორედ ამ საკითხებზე გვაფიქრებს ლაშა ბუღაძის ახალი რომანი „აუდიტორია“, რომელშიც სრულიად განსხვავებული, ერთმანეთთან მხოლოდ ინტერნეტნაცნობით დაკავშირებული რამდენიმე პერსონაჟი სხვადასხვაგვარად ცდილობს სოციალურ და პირად ცხოვრებას შორის არსებული უფსკრული მიჩქმალოს და თავისი მცირე, წარმოსახვითი აუდიტორიის წინაშე პირნათელი წარდგეს.
ასაკი: 3+
აქტივობები :
„აფრიკის ცხოველები“ მრგვალ ყუთში მოქცეული ფაზლია, რომელსაც პატარა ილუსტრირებული წიგნი ახლავს თან. ფაზლების აწყობით პატარები დროს საინტერესოდ და სახალისოდ გაატარებენ, ხოლო წიგნში წაიკითხავენ მარტივი ენით, მოკლედ აღწერილ ამბებს აფრიკაში მობინადრე ცხოველების შესახებ.
ასაკი: 6-12
აქტივობები :
წინ საინტერესო თავგადასავალი გელოდება!
წაიკითხე წიგნი, წარმოიდგინე, რომ ნამდვილი ასტრონავტი ხარ და იმოგზაურე კოსმოსში, შეისწავლე ეს ამოუცნობი, უკიდეგანო სამყარო.
ასაკი: 6+
აქტივობები :
მოიარე მსოფლიო და წაიკითხე არაერთი მითი თუ ლეგენდა გასაოცარი არსებების შესახებ! გაიგე, ვინ იყვნენ ზევსი, ოდისევსი და სირინოზები, როგორი არსებები არიან ელფები და გნომები, სად ბინადრობენ იეტი, კენტავრები და ლეპრეკონები ...
მოემზადე, წინ შთაბეჭდლილებებით აღსავსე მოგზაურობა გელის!
იქ, სადაც სდუმან პირამიდები, მზის ქორწილის დროს მე დავწვები მზისფერ სილაზე - ვინ არის ამ სტრიქონების ავტორი? ვინ დაწერა 14 ლექსი, რომელსაც ელენე დარიანის დღიურების სახელით ვიცნობთ? ცნობილმა პოეტმა პაოლო იაშვილმა თუ უცნობმა ქალმა ელენე ბაქრაძემ? ირინა, თამთა მელაშვილის ახალი რომანის გმირი, ელენე დარიანის საუკუნოვანი საიდუმლოს გახსნას ცდილობს, თუმცა ეს მცდელობა მისივე პირადი ცხოვრებით განპირობებული ინტერპრეტაციაა, ხოლო ალტერნატიული მითი დარიანის შესახებ ჩვენ თვალწინ იბადება.
„ახლო აღმოსავლეთის“ მეორე ტომში განხილულია რეგიონის პოლიტიკური გეოგრაფიის საკითხები – სახელმწიფოთა ფორმირება, მათი სახელები, სიმბოლიკა, საზღვრები, მოდერნიზაციისა და დემოკრატიზაციის გამოწვევები, ეკონომიკური განვითარება და სამხედრო ბალანსი. ტომის მესამე თავი ეძღვნება „რეგიონსგარე დიდი გეოპოლიტიკური მოთამაშეების“ (ბრიტანეთის, ამერიკის, რუსეთის, ჩინეთის) და რეგიონის ქვეყნების გეოპოლიტიკური ინტერესებისა და მიმდინარე პოლიტიკის განხილვას. წიგნის ბოლო ორ თავში გაანალიზებულია „ახლო აღმოსავლეთის კონფლიქტის“ – ისრაელისა და პალესტინელების რთული ურთიერთობის მიზეზები.
წიგნი განკუთვნილია ფართო მკითხველისათვის.
რევაზ გაჩეჩილაძემ დაამთავრა თბილისის სახელმწიფო უნივერსიტეტი და ამავე უნივერსიტეტის პროფესორია. ის არის გეოგრაფიულ მეცნიერებათა დოქტორი და საქართველოს მეცნიერებათა ეროვნული აკადემიის წევრი, მინიჭებული აქვს საგანგებო და სრულუფლებიანი ელჩის რანგი.
ის არის 160-ზე მეტი ნაშრომის ავტორი, რომელთაგან აღსანიშნავია წიგნები „The New Georgia: Space, Society Politics“ (UCL Press, London, 1995), „ახლო აღმოსავლეთი“ (2003, 2008, 2011), „ჩემი მეოცე საუკუნე“ (ორ ტომად, 2008, 2011), „გაერთიანებული სამეფო: სივრცე, საზოგადოება, პოლიტიკა“ (2016), „საქართველო მსოფლიო კონტექსტში“ (2013 და 2017) და იმავე წიგნის გერმანული ვერსია „Georgien in Weltpolitischen Kontext“ (Wieser Verlag, 2017).
„ახლო აღმოსავლეთის“ მეოთხე განახლებული გამოცემის პირველი ტომი (გეოგრაფიული და ისტორიული ნიშანსვეტები) დაიბეჭდა 2018 წელს.
მთარგმნელი: გურამ ღონღაძე
დედამიწის თავზე ზებატონების კოსმოსური ხომალდები გამოჩნდნენ! ეს გახლავთ გონებრივად, ტექნოლოგიურად და სამხედრო აღჭურვილობით კაცობრიობაზე ბევრად განვითარებული რასა. ზებატონებს რამდენიმე მარტივი მოთხოვნა აქვთ: სამყარო უნდა გაერთიანდეს, ბოლო მოეღოს სიღატაკესა და გაჭირვებას, დასრულდეს ომები. ხანმოკლე წინააღმდეგობის შემდეგ, კაცობრიობა ოქროს ხანაში გადადის.
რა შედეგი შეიძლება მოჰყვეს გრძელვადიან სიმშვიდესა და ტექნოლოგიურ განვითარებას, როდესაც ადამიანი დიდებისთვის აღარ იბრძვის? რა იმალება ზებატონების კეთილი ზრახვების მიღმა? კაცობრიობა დასასრულს უახლოვდება... თუ დასაწყისს?
სერ ართურ ჩარლზ კლარკი მეოცე საუკუნის სამეცნიერო ფანტასტიკის ჟანრში ყველაზე ცნობილი და გავლენიანი მწერალია. „ბავშვობის დასასრული“ 1953 წელს გამოვიდა და ავტორის პირველ ბესტსელერად იქცა. წიგნი 2004 წელს ნომინირებული იყო „რეტრო ჰიუგოს“ ჯილდოზე საუკეთესო რომანისთვის.
ართურ კლარკის რომანების – მათ შორის, ამ წიგნის – მიხედვით გადაღებულია არაერთი ფილმი და სატელევიზიო სერიალი.
მთარგმნელი: თამარ კვიჟინაძე
არნე სვინგენი თანამედროვე ნორვეგიელი მწერალია. ის ახალგაზრდა თაობის ერთ-ერთი საყვარელი ავტორია და მისი ნაწარმოებები დიდი პოპულარობით სარგებლობს ნორვეგიაში. ამ წიგნის დამსახურებით კი მწერალმა მრავალ ქვეყანაში გაითქვა სახელი.
„ბალადა გატეხილ ცხვირზე“ სიმამაცის, შიშის, სპორტისა და მუსიკის შესახებ მოთხრობილი ამბავია, მაგრამ ყველაზე მეტად ისეთი დღეების შესახებ, როცა მოულოდნელად აცნობიერებ, რომ შენი ცხოვრება სამუდამოდ შეიცვალა.
ცამეტი წლის ბარტს მეტად რთული ცხოვრება აქვს, მაგრამ ის ყოველთვის ოპტიმისტად რჩება, რადგან ერთი რამ ზუსტად იცის: გულგატეხილობითა და მოწყენით ვერაფერს შეცვლის. დედას სურს, ბარტმა კრივი ისწავლოს, რათა თავის დაცვა შეძლოს, მაგრამ ბიჭს თავდაცვა სხვაგვარად ესმის: ეს არის დადებითი განწყობა და... ოპერა.
მთარგმნელი: გურამ ღონღაძე
ნიკ ქეივი ცნობილი ავსტრალიელი პოეტი, რომანისტი, სცენარისტი და მუსიკოსია, რომელმაც სახელი როკ-ბენდ Nick Cave and the Bad Seeds-თან ერთად მოიხვეჭა.
1989 წლის სადებიუტო „და იხილა ვირმა ანგელოზის“ შემდეგ, მეორე რომანი, „ბანი მანროს აღსასრული“ ქეივმა 2009 წელს გამოსცა, რომელიც მალევე ითარგმნა მსოფლიოს მრავალ ენაზე. რომანის მთავარი გმირი, კოსმეტიკითა და მარადიულ მშვენიერებაზე ოცნებით მოვაჭრე ბანი მანროს ცოლის უეცარი გარდაცვალების შემდეგ ცდილობს ცხოვრებას ფეხი აუწყოს და თავის მცირეწლოვან ვაჟთან ერთად გზას გაუდგება.
ვიდრე ბანი კოსმეტიკით სავსე ჩემოდანსა და თავის სექსუალურ ქარიზმას კარდაკარ დაატარებს, ცხრა წლის ბანი უმცროსი უფროსების სამყაროს მანქანის ფანჯრიდან და ენციკლოპედიის ფურცლებიდან აკვირდება.
„ბანი მანროს აღსასრული“ მამა-შვილის სევდიანი ურთიერთობაა - ელეგანტური, სექსუალური, სახალისოდ საკითხავი რომანი, რომელშიც არა მხოლოდ ნიკ ქეივის თაყვანისმცემლები აღმოაჩენენ ავტორისეულ ენამახვილობასა და მისტიციზმს.
მთარგმნელი: ელგუჯა მაღრაძე
„ვერავითარი ცეცხლოვანი ფანტაზია ვერ წარმოიდგენდა უფრო საზარელ, უფრო ზარდამცემ სანახაობას, ვიდრე ეს ჯოჯოხეთის ქმნილება იყო, რომელიც ნისლიდან გამოვარდა და ჩვენკენ გამოეშურა...“
სერ ჩარლზ ბასკერვილის გვამი მისსავე საგვარეულო მამულში, დევონშირში, იპოვეს. ექიმი მორტიმერის გადმოცემით, გარდაცვლილს შიში ჩასდგომოდა თვალებში. სიკვდილის მიზეზი ბურუსით იყო მოცული, მხოლოდ ერთადერთი და საკმაოდ უცნაური სამხილი იპოვეს: უზარმაზარი ცხოველის ნაკვალევი.
ჰოლმსის თხოვნით, უოტსონი ბასკერვილ-ჰოლში მიემგზავრება და ცდილობს გაარკვიოს, რა კავშირია იმ ლეგენდებსა და სიმართლეს შორის, ბასკერვილების საგვარეულოს რომ უკავშირდება. გამოძიებისას
უოტსონის სიცოცხლეც კი საფრთხეშია, თუმცა მას შერლოკ ჰოლმსი იხსნის თავისი განუმეორებელი ინტუიციისა და გამჭრიახობის წყალობით.
„ბასკერვილების ძაღლი“ ართურ კონან დოილის ერთ-ერთი ყველაზე შიშისმომგვრელი და მომაჯადოებელი ნაწარმოებია.
მთარგმნელი: მერაბ ფიფია
ცამეტი წლის მომო მამამაც მიატოვა და სულ მარტო დარჩა. მომოს ერთადერთი არაბი მეგობარი ჰყავს, ბატონი იბრაჰიმი, საბაყლოს მფლობელი ცისფერი ქუჩიდან...
ბელგიელი მწერალი, ერიკ-ემანუელ შმიტი, თავის რომანში – ბატონი იბრაჰიმი და ყურანის ყვავილები – ცდილობს, პატარა მომოს თვალით დაგვანახოს, რომ გარეგნული იერსახე ხშირად მატყუარაა; ცისფერი ქუჩა თურმე შეიძლება სულაც არ იყოს ცისფერი; არც არაბი იყოს არაბი და, შესაძლოა, არც ცხოვრება იყოს ისეთი სევდის მომგვრელი, როგორიც ჰგონიათ ხოლმე
ისტორრიკოსებმა ბევრი იკვლიეს და პირველი ბაღების კვალს დასავლეთ აზიის ქვეყნებში მიაკვლიეს. პირველ, უძველეს ცივილიზაციაში მათ ესთეტიკური დატვირთვა ჰქონდა - ლამაზი, გაშლილი, ჟანგბადით სავსე დასასვენებელი ადგილი იყო.....
ეს წიგნიც ბაღის იდეაზეა. მებაღეების ცხოვრებასა და მებაღეობის არსზე. იმაზე, თუ როგორ შეიძლება ქვაღორღიანი მიწა წალკოტად გადაიქცეს, დაჭაობებული ნაკვეთები ერთ დღესაც აყვავდეს, საკუთარი მამული სასწავლებელს დაუთმონ და იქ მისულმა მოსწავლეებმა სწორედ მებაღეობა ისწავლონ...
აკადემიკოს რისმაგ გორდეზიანის „ბერძნული ცივილიზაციის“ მეორე, შესწორებული და გავრცობილი გამოცემა კრეტა-მიკენის გეომეტრიული, არქაული და კლასიკური ეპოქის ბერძნული კულტურის ყველა უმთავრეს სფეროს წარმოგვიდგენს: ისტორიას, ლიტერატურას, ხელოვნებას, მჭევრმეტყველებას, ისტორიოგრაფიას, ფილოსოფიას და ა.შ. წიგნში წარმოდგენილია ბერძნული კულტურის უმნიშვნელოვანესი ძეგლების 200-ზე მეტი ილუსტრაცია. „ბერძნული ცივილიზაცია“ განკუთვნილია ზოგადსაგანმანათლებლო სკოლების მოსწავლეთათვის, სტუდენტებისა და ძველი სამყაროს კულტურებით დაინტერესებული მკითხველისთვის.
