სამწუხაროდ, მოცემული პაკეტში არსებული რომელიღაც წიგნი აღარ არის ნაშთში


წიგნები მთელი ოჯახისთვის

კომპლექტი 3

საბავშვო ბიბლია

სხვადასხვა ავტორი

22.90 ₾

ასაკი: 5+

საბავშვო ბიბლიის ტექსტი შედგენილია იაკობ გოგებაშვილის „საღმრთო ისტორიისა“ და არქიმანდრიტ ნესტორ ყუბანეიშვილის „ძველი აღთქმის საღვთო ისტორიისა“ და „ახალი აღთქმის მოკლე ისტორიის“ მიხედვით. ყველა ცნობილი და მნიშვნელოვანი ბიბლიური ამბავი როგორც ძველი, ასევე ახალი აღთქმიდან სრულადაა ილუსტრირებული. წიგნს თან ერთვის ძველი და ახალი აღთქმის მიწების რუკები, რაც ბავშვებს ქრისტიანობის გავრცელების არეალების შეცნობას გაუმარტივებს.  

იხილეთ მეტი




საბავშვო ენციკლოპედია

სხვადასხვა ავტორი

15.90 ₾

ასაკი: 5-10

ეს ენციკლოპედია სასკოლო ასაკის ბავშვისთვის ერთ-ერთი ყველაზე ინფორმაციული და სახალისო დამხმარე სასწავლო მასალაა. მარტივი, გასაგები ტექსტები და ფერადი, დეტალური ილუსტრაციები ყველაზე ცნობისმოყვარე ბავშვებსაც კი დაეხმარება „უცნაურ“ შეკითხვებზე პასუხების პოვნაში. „საბავშვო ენციკლოპედია“ „ბაკურ სულაკაურის გამომცემლობის“ ბესტსელერია, რომელიც ქართულ ბაზარზე უკვე მრავალი წელია, არსებობს და აქტუალობას არ კარგავს.

იხილეთ მეტი




ქართული ანბანი

მარიამ წიკლაური

25.90 ₾

ასაკი: 3-6

ეს წიგნი ერთდროულად ქართული ანბანი, ილუსტრირებული ლექსიკონი და საბავშვო ლექსების კრებულია. კრებულში შესულია სახალისო ლექსები მხიარულ ბავშვებზე, ფრინველებსა თუ ცხოველებზე. ბავშვი ისწავლის ასოებს, ნახატების დახმარებით შეეცდება ლექსიკონის გვერდებიდან სიტყვების ამოცნობას, წაიკითხავს სახალისო ლექსებს თანატოლებზე, მხიარულ ფრინველებსა და ცხოველებზე.

იხილეთ მეტი




საოცრება

რ.ჯ.პალაციო

12.90 ₾

ასაკი: 8-12

ეს ემოციური, გულისამაჩუყებელი წიგნი შემდეგ თემებს ეხება: ოჯახი, მეგობრობა, კლასელების ურთიერთობა, ჩაგვრა... წიგნის მიხედვით გადაღებულია ფილმი, რომელშიც მთავარი გმირის, ავგუსტ პულცმანის, დედის როლს ჯულია რობერტსი ასრულებს. 10 წლის ავგუსტს იშვიათი გენეტიკური დაავადება სჭირს და დეფორმირებული სახე აქვს. ავგუსტი მეხუთე კლასშია და გვიყვება იმ სირთულეებზე, რომლის გადალახვაც თავისი უცნაური გარეგნობის გამო უწევს. 

იხილეთ მეტი




წრიპა ბიჭის დღიური (წიგნი 1)

ჯეფ კინი

14.90 ₾

ასაკი: 8-12

სახალისო ილუსტრაციებით გაფორმებული ამ იუმორისტული წიგნის მთავარი გმირი – საშუალო სკოლის მოსწავლე გრეგ ჰეფლი – დღიურს წერს და ძალიან სასაცილოდ გვიყვება ოჯახისა და სკოლის ამბებს. წრიპა ბიჭის ამბები განსაკუთრებით მიმზიდველია იმ ბავშვებისთვის, რომელთაც კითხვა ნაკლებად აინტერესებთ; წრიპა ბიჭის სერია ეხმარება მშობლებს, შვილები წიგნებთან დააახლოვონ. პირველი წიგნი აშშ-ში 2007 წელს გამოიცა და დღემდე ამ სერიის 200 მილიონი ეგზემპლარია გაყიდული. 

იხილეთ მეტი




ყველაფერი, ყველაფერი

ნიკოლა იუნი

12.90 ₾

წიგნი გოგნაზეა, რომელსაც იშვიათი დაავადება სჭირს– თითქმის ყველაფერზე ალერგია აქვს და ამიტომ სახლიდან ვერ გადის. ერთხელაც ფანჯრიდან თვალს მოჰკრავს ბიჭს. ისინი მეილებით იწყებენ მიმოწერას. გოგონას უჩნდება სურვილი, რომ ცოტა ხანი მაინც გაატაროს გარე სამყაროში. მალე წყვილი დაგეგმავს ჰავაიზე გაქცევას და ეს ყველაფერს თავდაყირა აყენებს. 2017 წელს გამოვიდა წიგნის კინოადაპტაცია, რის შემდეგაც ავტორისა და მისი ნაწარმოების პოპულარობამ იმატა. აქ მოთხრობილი ამბავი იზიდავს ახალგაზრდა მკითხველს და უზიარებს მათ თავისი თანატოლების გამოცდილებას.

იხილეთ მეტი




არ დაინდო ეს დღიური

კერი სმიტი

6.90 ₾

ეს ყოვლად უცნაური წიგნი უამრავი მოულოდნელობითაა აღსავსე და ახალგაზრდების შემოქმედებით უნარებს ფართო გასაქანს აძლევს. წიგნის ინსტრუქციებს თუ მიჰყვება, არავინ მოიწყენს, მიუხედავად მისი ასაკისა. წიგნის შექმნის კონცეფცია და მიზანი ასე ჟღერს: ხშირად, შესაძლოა, თავი საკმაოდ უცნაურ სიტუაციებში ამოყოთ, მაგრამ ნებისმიერ შემთხვევაში გახსოვდეთ, რომ არ დაინდოთ ეს დღიური. შედეგად თავს უკეთ იგრძნობთ და განადგურების ნაცვლად შეიძლება ხელოვნების ნიმუში შეგრჩეთ ხელში.

იხილეთ მეტი




ჰარი პოტერი და ფილოსოფიური ქვა

ჯ.კ. როულინგი

13.90 ₾

ჰარი პოტერის ცხოვრებას ჯადოსნურს ნამდვილად ვერ უწოდებ; ბიჭი სამოწყალოდ ცხოვრობს დერსლებთან დეიდასთან, ბიძასთან და საძაგელ –დეიდაშვილთან. მისი ოთახი კიბის ქვეშ მდებარე პაწაწინა საწყობია, დაბადების დღისთვის კი განსაკუთრებულ საჩუქარს არ ელოდება. მაგრამ სწორედ მე-11 დაბადების დღეზე ჰარი ბუს ფოსტით იდუმალ წერილს იღებს: წერილს, რომელიც დაუჯერებელ ადგილას – ჰოგვორტსის მაგიისა და ჯადოქრობის სკოლაში – სასწავლებლად იწვევს. ჰარი მოულოდნელად საოცარ მაგიურ გარემოში აღმოჩნდება. ჯადოქრულ სამყაროში ყველამ იცის, რომ ჰარი რჩეულია –უდიდესი ჯადოქრის სასიკვდილო წყევლას გადარჩენილ ბიჭს დიადი საქმეები ელის.

იხილეთ მეტი




მზე, მთვარე და პურის ყანა

თემურ ბაბლუანი

14.90 ₾

ცნობილმა ქართველმა კინორეჟისორმა თემურ ბაბლუანმა, ქართული კინოს გარდა, ქართულ ლიტერატურაშიც თქვა თავისი სათქმელი. მიუხედავად იმისა, რომ წიგნის გამოცემიდან ჯერ ერთი წელიც არ გასულა, ის უკვე ბესტსელერად იქცა. ახალგაზრდა ჯუდეს სხვის მიერ ჩადენილი მკვლელობისთვის გააციმბირებენ. სამშობლოში მისი შეყვარებული მანუშაკა რჩება. გადის წლები, ისტორია იცვლება, ჯუდესთვის კი რეალობა თითქოს სტატიკურია, მას ერთადერთი მიზანი ამოძრავებს – რადაც უნდა დაუჯდეს, ქვეყანაში აუცილებლად უნდა დაბრუნდეს, რადგან იცის, რომ მანუშაკა ჯერაც ელოდება. 

იხილეთ მეტი




ნუ მოკლავ ჯაფარას

ჰარპერ ლი

14.90 ₾

არის წიგნები, რომლებიც ერთნაირად აყვარებს თავს სხვადასხვა ასაკის მკითხველს. სწორედ ასეთია ამერიკული ლიტერატურის ერთ-ერთი ყველაზე ცნობილი წარმომადგენლის, ჰარპერ ლის ნაწარმოები. ნაწარმოები ამერიკელი ბავშვების სასკოლო პროგრამაშიცაა შეტანილი. წიგნის მთავარი პერსონაჟები არიან ერთ პატარა სამხრეთულ ქალაქში მცხოვრები მამა და მისი ორი შვილი. მამა, ატიკუსი იურისტია. წიგნის სიუჟეტი მძაფრდება, როდესაც ატიკუსს ერთი ახალგაზრდა კაცის დაცვა უწევს. ეჭვმიტანილის წინააღმდეგ მთელი ქალაქია ამხედრებული, თუმცა კი ბრალეულობა ჯერ არავის დაუმტკიცებია. მიუხედავად ყველაფრისა, ატიკუსი ტრადიციულად სამართლიანობის სადარაჯოზე რჩება.

იხილეთ მეტი




ჯინსების თაობა

დათო ტურაშვილი

7.90 ₾

დათო ტურაშვილის რომანებს შორის გამორჩეული ადგილი უკავია „ჯინსების თაობას“, რომელიც საბჭოთა პერიოდის ერთ-ერთ ყველაზე დრამატულ ისტორიას აღწერს. წიგნი მსოფლიოს 17 ენაზეა თარგმნილი. ახალგაზრდების ჯგუფი, რომლებიც თავს დატყვევებულად გრძნობენ საბჭოთა კავშირში ცხოვრებით, გადაწყვეტენ, რომ ნებისმიერ ფასად უნდა მოახერხონ აშშ-ში გაქცევა. თვითმფრინავის აფრენამდე ისინი ცეცხლსასროლი იარაღის მუქარით უბრძანებენ პილოტს, გეზი სტამბოლისკენ აიღოს. იმ დროს, მთავრობას ახალი მეთაური ჰყავს – ედუარდ შევარდნაძე, რომელმაც უნდა დაამტკიცოს, რომ ის ისეთივე მკაცრია, როგორც საბჭოთა კავშირის ხელდასმულ ლიდერს შეეფერება, ამიტომაც მისი სასამართლო ახალგაზრდებს ყველაზე მძიმე განაჩენს გამოუტანს.

იხილეთ მეტი




კუპიდონი კრემლის კედელთან

აკა მორჩილაძე

12.90 ₾

„კუპიდონი კრემლის კედელთან“ თანამედროვეობის უდიდესი ქართველი მწერლის, აკა მორჩილაძის უახლესი რომანია. მიუხედავად იმისა, რომ რომანის გამოცემიდან ერთი წელიც არ გასულა, ის უკვე ბესტსელერების სათავეშია, აკა მორჩილაძის რომანები კი მსოფლიოს 15- მდე ენაზეა თარგმნილი. 1930-იანი წლების მეორე ნახევარი, საბჭოთა რეპრესიები ნელ-ნელა აქტიურ ფაზაში შედის. მუსია ერისთავს ქმარს გასტაცებენ. ერთადერთი გამოსავალი, რაც მას დარჩენია, ისაა, რომ უტოპიურ იდეას შეეჭიდოს და პირდაპირ კრემლში წავიდეს, თავად იოსებ სტალინს მოჰკითხოს ქმრის ამბავი და შეეცადოს, დაიხსნას ის. მუსია მატარებლის ბილეთს ყიდულობს, ბელადთან დეპეშას აგზავნის და კრემლისაკენ მიემგზავრება.

იხილეთ მეტი




ალქიმიკოსი

პაულო კოელიო

8.90 ₾

ბრაზილიელი მწერლის, პაულო კოელიოს „ალქიმიკოსი“ თანამედროვე კლასიკადაა აღიარებული და წლებია, მსოფლიო ბესტსელერების სიის სათავეშია. ეს არის იგავი ადამიანზე, რომელიც თავის გზას მიჰყვება. მოგზაურობის დაუოკებელი სურვილით შეპყრობილი, ის ჯერ მწყემსი გახდება, შემდეგ ზღაპრული განძის მოსაპოვებლად ეგვიპტეში გაემგზავრება, შეხვდება ალქიმიკოსს და შეიცნობს ბუნების საიდუმლოებებს. მოგზაურობა მას ბევრად უფრო შთამბეჭდავად დაანახვებს სამყაროს სიკეთეებს და მის ყველა მოლოდინს გადააჭარბებს. იგი შეიმეცნებს სიბრძნეს, თუ როგორ უნდა დაუგდოს ყური საკუთარ გულს, სწორად აღიქვას შესაძლებლობები და ნიშნები, რომლებიც ცხოვრების გზაზე სიურპრიზებად ხვდება, და, რაც მთავარია, არ თქვას უარი საკუთარ ოცნებებზე.

იხილეთ მეტი




მოსწავლის პირველი ენციკლოპედია

სხვადასხვა ავტორი

29.90 ₾

მოსწავლის პირველი ენციკლოპედია ცხრა ნაწილისაგან შედგება, უამრავ საინტერესო საკითხს აერთიანებს და ასობით შეკითხვაზე შეიცავს პასუხს. მარტივი, ადვილად წასაკითხი ტექსტი და დეტალური ილუსტრაციები მსოფლიოს ისტორიის, გეოგრაფიის, ადამიანის ორგანიზმის, ცხოველთა სამყაროსა თუ კოსმოსის უკეთ შეცნობაში დაგეხმარება.

თუ ინტერნეტზე ხელი მიგიწვდება, შეგიძლია ესტუმრო სხვადასხვა ვებგვერდსაც, რომელთა საშუალებითაც შეძლებ დამატებითი ინფორმაციის მოპოვებას.

ენციკლოპედიაში ასევე ნახავ:

• სამეცნიერო ტერმინთა ლექსიკონს

•1500-მდე შთამბეჭდავ ფოტოს, ილუსტრაციასა და დიაგრამას

• მარტივ, უსაფრთხო ცდებსა და ექსპერიმენტებს

• მსოფლიოს რუკებსა და ყველა ქვეყნის დროშას

• საინტერესო ფაქტებსა და რეკორდებს

იხილეთ მეტი




ზემოთ