სამწუხაროდ, მოცემული პაკეტში არსებული რომელიღაც წიგნი აღარ არის ნაშთში


6 - 12 წლის ბავშვებისთვის

კომპლექტი 2

საოცრება

რ.ჯ.პალაციო

12.90 ₾

ასაკი: 8-12

ეს ემოციური, გულისამაჩუყებელი წიგნი შემდეგ თემებს ეხება: ოჯახი, მეგობრობა, კლასელების ურთიერთობა, ჩაგვრა... წიგნის მიხედვით გადაღებულია ფილმი, რომელშიც მთავარი გმირის, ავგუსტ პულცმანის, დედის როლს ჯულია რობერტსი ასრულებს. 10 წლის ავგუსტს იშვიათი გენეტიკური დაავადება სჭირს და დეფორმირებული სახე აქვს. ავგუსტი მეხუთე კლასშია და გვიყვება იმ სირთულეებზე, რომლის გადალახვაც თავისი უცნაური გარეგნობის გამო უწევს. 

იხილეთ მეტი




წრიპა ბიჭის დღიური (წიგნი 1)

ჯეფ კინი

14.90 ₾

ასაკი: 8-12

სახალისო ილუსტრაციებით გაფორმებული ამ იუმორისტული წიგნის მთავარი გმირი – საშუალო სკოლის მოსწავლე გრეგ ჰეფლი – დღიურს წერს და ძალიან სასაცილოდ გვიყვება ოჯახისა და სკოლის ამბებს. წრიპა ბიჭის ამბები განსაკუთრებით მიმზიდველია იმ ბავშვებისთვის, რომელთაც კითხვა ნაკლებად აინტერესებთ; წრიპა ბიჭის სერია ეხმარება მშობლებს, შვილები წიგნებთან დააახლოვონ. პირველი წიგნი აშშ-ში 2007 წელს გამოიცა და დღემდე ამ სერიის 200 მილიონი ეგზემპლარია გაყიდული. 

იხილეთ მეტი




ცნობილი ხუთეული: ხუთეული განძის კუნძულზე (წიგნი 1)

ენიდ ბლაიტონი

7.90 ₾

ასაკი: 7-12

მარტივი ენით მოთხრობილი, ეს სათავგადასავლო წიგნი პირველად 1942 წელს ინგლისში გამოვიდა. მისი ავტორი მსოფლიოში ცნობილი ბრიტანელი საბავშვო მწერალი ენიდ ბლაიტონია. ენი, დიკი და ჯულიანი და-ძმები არიან. ისინი ზაფხულის არდადეგებს სოფელში, ბიძისა და ბიცოლას კოტეჯში ატარებენ, სადაც გაიცნობენ და დაუახლოვდებიან თავიანთ ბიძაშვილს – ჯორჯინას. ბავშვები პატარა ნავით კირინის კუნძულზე მიემგზავრებიან და იქ ამაღელვებელი თავგადასავალი გადახდებათ თავს. თუმცა, ეს მათი ერთადერთი თავგადასავალი როდია – ცნობილი ხუთეულის ამბები რამდენიმე წიგნს აერთიანებს.

იხილეთ მეტი




ქართული ხალხური ზღაპრები

სხვადასხვა ავტორი

8.90 ₾

ასაკი: 6-7

ყველასთვის ცნობილი და საყვარელი ქართული ხალხური ზღაპრები მარტივი, პატარებისთვის გასაგები ენითაა მოთხრობილი. წიგნი ნანა მელქაძის ფერადი და მხიარული ილუსტრაციებითაა გაფორმებული. კრებულში თავმოყრილია ისეთი ცნობილი ზღაპრები, როგორებიცაა: „სიზმარა“, „ნაცარქექია“, „ნახევარქათამა“, „წიქარა“, „ცეროდენა“, „რწყილი და ჭიანჭველა“ და სხვ.

იხილეთ მეტი




იგავ-არაკები

სულხან-საბა ორბელიანი

7.90 ₾

ასაკი: 6-8

წიგნში შესულია მე-17 საუკუნის გამოჩენილი მწერლისა და მოღვაწის, სულხან-საბა ორბელიანის იგავ-არაკები ცნობილი კრებულიდან „სიბრძნე სიცრუისა“. იგავები ბავშვებისთვის გასაგებ ენაზეა გადამუშავებული, თუმცა სულხან-საბას თხრობის სტილი შენარჩუნებულია. ამ გამოცემაში, რომელიც პატარა მკითხველებისთვის მომზადდა, 59 იგავი შედის. წიგნი გაფორმებულია ფერადი ილუსტრაციებით. კრებულში თავმოყრილია ისეთი ცნობილი იგავები, როგორებიცაა: „კუ და მორიელი”,„ აქლემი და ვირი“, „ნალბანდი მგელი“, „დათვი და მონადირე“, „ენით დაკოდილი“ და სხვ. 

იხილეთ მეტი




ძმები გრიმების ზღაპრები

ძმები გრიმები

6.90 ₾

ასაკი: 6-8

ძმები გრიმების მიერ მოთხრობილი გერმანული ზღაპრები ყველა ბავშვისთვის საყვარელი საკითხავია. ზღაპრები გერმანულიდან ერთ-ერთმა საუკეთესო მთარგმნელმა, დავით წერედიანმა თარგმნა. კრებულში 20 რჩეული ზღაპარი შედის, მათ შორის ისეთი ცნობილი ზღაპრები, როგორებიცაა: „ოქროს ბატი“, „მეთევზე და მისი ცოლი“, „გულადი თერძი“ და „ბრემენელი მუსიკოსები“.

იხილეთ მეტი




ანე ფრანკის დღიური

ანე ფრანკი

9.90 ₾

ასაკი: 10-12

ეს წიგნი სინამდვილეში ახალგაზრდა ებრაელი გოგონას დღიურია, რომელიც მეორე მსოფლიო ომის დროს, ოჯახთან ერთად თავშესაფარში იმალებოდა. მკითხველი მოიხიბლება ავტორის გულწრფელობით, მისი ბავშვური განცდებითა და ფიქრებით. ანე ფრანკი ჩვეულებრივი გოგონაა, მაგრამ მისი ასაკის კვალობაზე ძალიან განათლებული და ჭკვიანი ბავშვია. დღიური, რომელიც გამოცემის შემდეგ ბესტსელერად იქცა, მოზარდი მკითხველებისთვის საინტერესო ისტორიული წყაროცაა.

იხილეთ მეტი




ტომ სოიერის თავგადასავალი

მარკ ტვენი

7.90 ₾

ასაკი: 10-12

ტომ სოიერი ერთი მხიარული, თავგადასავლების მოყვარული ბიჭია, რომელიც ხშირად ეხვევა ხათაბალაში, მაგრამ თავის დაძვრენას ყოველთვის ახერხებს. მკითხველს განსაკუთრებით მოხიბლავს სახალისო დიალოგები, საინტერესო სიუჟეტი და დაუვიწყარი პერსონაჟები. „ტომ სოიერის თავგადასავალი“ უკვე საუკუნეზე მეტია, საბავშვო კლასიკად მიიჩნევა. მისი ავტორი ერთ-ერთი ყველაზე ცნობილი ამერიკელი მწერალი მარკ ტვენია. 

იხილეთ მეტი




პატარა პრინცი

ანტუან დე სენტ-ეგზიუპერი

6.90 ₾

ასაკი: 10+

წიგნი ნებისმიერი ასაკის მკითხველზე დიდ შთაბეჭდილებას ახდენს. პატარა მკითხველს ხიბლავს წიგნის სიუჟეტი, პერსონაჟები, ავტორისეული ილუსტრაციები და უბრალო თხრობის მანერა. მოზრდილი მკითხველი დააფასებს წიგნის სიღრმისეულ მხარესაც: მწერალი ერთი შეხედვით ლამაზ ზღაპარს გვიყვება, მაგრამ სინამდვილეში ეს ნაწარმოები უამრავი ალეგორიითაა დატვირთული, რომლებითაც ადამიანის ნამდვილი ბუნებაა გადმოცემული.„პატარა პრინცი“ ყველაზე პოპულარული ფრანგულენოვანი წიგნი და ყველა დროის ბესტსელერია.

იხილეთ მეტი




ცნობილი ხუთეული: ხუთეულის ახალი თავგადასავალი (წიგნი 2)

ენიდ ბლაიტონი

7.90 ₾

ასაკი: 7-12

ჯულიენი, დიკი, ენი, ჯორჯი და ტიმი – ცნობილი ხუთეული ახალი თავგადასავლის მონაწილე ხდება! მეგობრები ისევ კირინის კოტეჯში იკრიბებიან და საშობაო არდადეგებს ერთად ატარებენ, თუმცა ამჯერად არც ელიან, რომ რაიმე საინტერესო გადახდებათ თავს – ზამთრობით ხომ ზღვა მუდმივად აღელვებულია და კირინის კუნძულზე გამგზავრება ასეთ დროს ძალზე სახიფათოა. ბავშვებს ახალი თავგადასავლის იმედი ლამის გადაეწუროთ, რომ მოულოდნელად, კირინის ფერმაში სტუმრობისას, ჯულიენი აღმოაჩენს ძველისძველი ქსოვილის ნაგლეჯს, რომელზეც უცნაური მინიშნებებია გამოსახული. სწორედ ამ აღმოჩენის დახმარებით , განუყრელი მეგობრები კიდევ ერთ იდუმალებით მოცულ დანაშაულს გამოიძიებენ.

იხილეთ მეტი




პეპი გრძელწინდა

ასტრიდ ლინდგრენი

8.90 ₾

ასაკი: 7-10

ერთ დღეს შვედეთის ერთი პატარა ქალაქის გარეუბანში, ძველ ვილაში თავის ცხენთან და მაიმუნთან ერთად ერთი უცნაური გოგო დასახლდება. ის ცხრა წლის პეპილოტა დელიკატესა ჟალუზინა რუკოლპიტნა ეფრაიმის ასული გრძელწინდა ან, უბრალოდ, პეპი გახლავთ. პეპი მარტო ცხოვრობს, მაგრამ არც კარს მომდგარი ქურდების ეშინია და არც პოლიციელებისა, მისი ბავშვთა სახლში წაყვანა რომ მოუწადინებიათ; ეშინია კი არა, მათ დამალობანას ეთამაშება და ეცეკვება კიდეც.

წაიკითხეთ ასტრიდ ლინდგრენის კლასიკად ქცეული წიგნი, რომელიც საგანგებოდ თქვენთვის პირველად ითარგმნა შვედურიდან; წაიკითხეთ და აუცილებლად შეგიყვარდებათ ეს უცნაური, მაგრამ ამქვეყნად ყველაზე კეთილი, მხიარული და ღონიერი გოგო.

იხილეთ მეტი




ენიდ ბლაიტონი - საიდუმლო შვიდეული: გაიცანით საიდუმლო შვიდეული (წიგნი1)

ენიდ ბლაიტონი

7.90 ₾

ორგანიზაცია "საიდუმლო შვიდეული" შობის შემდეგ კვლავ იკრიბება! ბიჭებისა და გოგონების ამ გაერთიანებას საკუთარი პაროლიც და ემბლემაც აქვს, ინიციალებით - "ს. შ". ბარბარას, პემს, ჯეკს, კოლინს, ჯორჯს, ჯენეტსა და ორგანიზაციის მეთაურ პიტერს უამრავი სასარგებლო საქმე გაუკეთებიათ, ახლა კი სურთ, რაიმე გამოიძიონ, საიდუმლო საქმე გახსნან. იდუმალებით მოცულ საქმეებს კი რა დალევს... პირველ წიგნში წაიკითხავთ, რა საიდუმლოს ახადა ფარდა "საიდუმლო შვიდეულმა".



იხილეთ მეტი




მოსწავლის პირველი ენციკლოპედია

სხვადასხვა ავტორი

29.90 ₾

მოსწავლის პირველი ენციკლოპედია ცხრა ნაწილისაგან შედგება, უამრავ საინტერესო საკითხს აერთიანებს და ასობით შეკითხვაზე შეიცავს პასუხს. მარტივი, ადვილად წასაკითხი ტექსტი და დეტალური ილუსტრაციები მსოფლიოს ისტორიის, გეოგრაფიის, ადამიანის ორგანიზმის, ცხოველთა სამყაროსა თუ კოსმოსის უკეთ შეცნობაში დაგეხმარება.

თუ ინტერნეტზე ხელი მიგიწვდება, შეგიძლია ესტუმრო სხვადასხვა ვებგვერდსაც, რომელთა საშუალებითაც შეძლებ დამატებითი ინფორმაციის მოპოვებას.

ენციკლოპედიაში ასევე ნახავ:

• სამეცნიერო ტერმინთა ლექსიკონს

•1500-მდე შთამბეჭდავ ფოტოს, ილუსტრაციასა და დიაგრამას

• მარტივ, უსაფრთხო ცდებსა და ექსპერიმენტებს

• მსოფლიოს რუკებსა და ყველა ქვეყნის დროშას

• საინტერესო ფაქტებსა და რეკორდებს

იხილეთ მეტი




ზემოთ